ഇറക്കത്താരാ സാറേ...
മറ്റത്തൂര് പഞ്ചായത്തിന്റെ കിഴക്കേ മൂലയിലാണു വെള്ളിക്കുളങ്ങര എന്ന സ്ഥലം.കാടും പടലും നിറഞ്ഞ പ്രശാന്ത സുന്ദരമായ കാട്ടു പ്രദേശം. കള്ള വാറ്റും ഡീസന്റ് വാറ്റും കുടില് വ്യവസായമായും അല്ലാതേയും ഇഷ്ടം പോലെ നടന്നിരുന്ന ഒരുകാലം ഇന്നാടിനുണ്ടായിരുന്നു..കുറച്ചൊക്കെ ഇപ്പോഴും. അവിടെയാണ് മറ്റത്തൂര് പഞ്ചായത്തിലെ പോലീസ് സ്റ്റേഷന്.ആദ്യകാലങ്ങളില് വാറ്റും അനുബന്ധ മെഷീന്സുമെല്ലാം തലച്ചുമടായാണ് കൊണ്ടുവന്നിരുന്നത്.. കാലം അമേരിക്കയിലും ജപ്പാനിലും റോക്കറ്റുവേഗതയില് പുരോഗതിയിലേക്കു കുതിച്ചപ്പോള് അവര്ക്കൊരു കമ്പനിക്കായിട്ടുമാത്രം ചെറിയൊരു എലിവാണത്തില് വെള്ളിക്കുളങ്ങരയും കുതിക്കാന് തുടങ്ങി. അതിനെ ഫലമായി കാളവണ്ടി, ഉന്തുവണ്ടി, സൈക്കിള്, സൂട്ടര്, ബൈക്ക്, പുതുക്കാട് ട്രാന്സ്പോര്ട്ട് സ്റ്റാന്റില് നിന്നും ഒരു ട്രാന്സ്പോര്ട്ട് ബസ്സ് എന്നിങ്ങനെയൊക്കെയായി വെള്ളിക്കുളങ്ങരയും കിതച്ചു കൊണ്ടു കുതിക്കാന് തുടങ്ങി.നാടിന്റെ പുരോഗതി നാട്ടാരിലും കാണാം.കള്ളവാറ്റിനും കള്ളത്തടിവെട്ടും മൊഡേണ് ടെക് നോളജി ഉപയോഗിക്കാന് തുടങ്ങി.ഇതിന്റെയൊക്കെ മാറ്റം ഇവിടത്തെ തലതെറിച്ച പിള്ളേരിലും കാണാം. മുലകുടിമാറാത്ത പൈതങ്ങള് വരെ ബൈക്കില് ട്................ റോം ന്നുപറഞ്ഞു പാഞ്ഞു പോകുന്നത്. ഈ മരണപ്പാച്ചില് കണ്ടോന്റെ ദേഹത്തേക്കെല്ലം ആയിതുടങ്ങിയപ്പോള്.. വെള്ളിക്കുളങ്ങരയിലെ സാറന്മാര് രംഗത്തിറങ്ങി.. പിന്നെ മുട്ടിനു മുട്ടിനു ചെക്കിംഗ്, പിടിച്ചാല് ലൈസന്സില്ലാത്ത കുമാരന്മാര്ക്ക് പണികൊടുക്കല്. സാറന്മാരുടെ കൈയ്യില്പ്പെടതിക്കാന്, പാഞ്ഞുപോകും വഴി "അപ്രത്ത് ചെക്കിങ്ങുണ്ട്രാ.." എന്ന ഏതെങ്കിലും അഭ്യുതയകാംക്ഷിയുടെ 'സിഗ്നല്' കേട്ടപാതികേള്ക്കത്ത പാതി ഇല്ല്യാത്ത ബ്രേക്ക് ഉണ്ടാക്കി ചവിട്ടി ഡ്രൈവിംഗ് ടെസ്റ്റിനുപോയപ്പോള് എടുക്കാന്പറ്റഠിരുന്ന 8 ന്റെ കര്വ്വ് ഈസിയായെടുത്ത് സൈഡൊതുക്കാന് തുടങ്ങി. എങ്ങാനും കൈയ്യില്പ്പെട്ടാല് രസകരവും അല്ലാത്തതുമായ പല 'പണിഷ് മെന്റുകള്' പതിവാണ് .കഥാനായകന് കുമാരന്- വയസ്സ് 20, കണ്ടാല് പ്രായം തോന്നുകയേയില്ല, മീശ : വന്നിട്ടില്ല, ജോലി: വയറിംഗ് പണിക്കുപോകുന്ന ദിവാകരേട്ടന്റെ കൂടെ അസിസ്റ്റന്റ് ആയി പോയി ദിവാകരേട്ടനെ അസിസ്റ്റന്റ് ആക്കി പണിയെടുപ്പിക്കുക.. ഡ്രൈവിംഗ് ലൈസന്സ്: എടുത്തിട്ടില്ല. പെങ്ങളുടെ കെട്ടിയോന് വരുമ്പോള് അളിയന്റെ ബൈക്കും കൊണ്ട് കോടാലിയിലൂടെ ഒന്നു "പാറ്റിവീശുക" പയ്യന്റെ ഒരു സ്റ്റൈലാണ്. ഇതൊക്കെയായി കാലമങ്ങിനെ പോകവേ. ഒരു ദിവസം ലൈസന്സില്ലാതെ ബൈക്കോടിച്ചതിന് മഹാനായ കുമാരനെയും പോലീസുപൊക്കി. ഇനിയെല്ലാം കുമാരന്റെ വാക്കുകളിലൂടെനേരേ വെള്ളിക്കുളങ്ങരയിലേക്ക്.. അന്നത്തെ എസ്.ഐ. ദാമോദരന് സാറ് എന്നെ വളരെ ക്രൂരമായൊന്നു നോക്കി.. ആ നോട്ടത്തില് സത്യത്തില് എന്റെ പെരുവിരലില് നിന്നും കയറിയ ഒരു വിറയല് എന്നെ കൊടുങ്ങല്ലൂര് ഭരണിക്ക് തുള്ളുന്ന കോമരം പോലെയാക്കി. പരിചയക്കാരാരെങ്കിലും ഉണ്ടോയെന്നു ചുറ്റും തിരഞ്ഞ ഞാന്, നാടോടിക്കാറ്റ് സിനിമയില് പോലീസ് സ്റ്റേഷനില് എത്തപ്പെട്ട ദാസന്റേയും വിജയന്റേയും കഥയോര്ത്ത് ഒന്നാശ്വസിച്ചു."നിന്റെ പേരെന്താഡാ......."എസ് ഐ യുടെ ആദ്യചോദ്യം കേട്ടപ്പോള്ത്തന്നെ എന്റെ ഹൃദയത്തിന്റെ മസില് പുറത്തേക്കു തള്ളുമെന്നു തോന്നി.. വിറച്ചുകൊണ്ട് ഞാനുത്തരം നല്കി"കുമാരന്""കണ്ടാല് കേശവനാന്നു തോന്നുന്നല്ലോടാ.."അല്ല സാറെ ഞാന് കുമാരനാ..""നിയ്യെന്തിനാടാ ലൈസന്സില്ലാതെ വണ്ടിയോടിച്ചത്..""സാറേ.. വെറുതെ..""വെറുതെ ഒരു രസത്തിന് അല്ലേടാ" "അതെ സാറേ..""ങാഹാാ.. നീ വെറുതെ രസത്തിന് വണ്ടിയോടിക്കും അല്ലേടാ.." കൈയ്യോങ്ങിക്കൊണ്ടുള്ള ആ ചോദ്യം കേട്ടപ്പോള് ഞാനുറപ്പിച്ചു അടി വീണൂ.. പക്ഷേ അതെന്നെയൊന്നു പേടിപ്പിക്കാനായിരുന്നു.."രസത്തിന് നിനക്ക് വണ്ടിയോടിക്കണോ സൈക്കിള് ചവിട്ട്യാപ്പോരേഡാാ...""മതി സാറേ..""എടോ തോമാസ്സേ... ഇവനോരു സൈക്കിള് കൊടുക്കെടാ.. അവന് ചവിട്ടിക്കോട്ടേ.." എന്ന് ഹെഡ് കോണ്സ്റ്റബിളിനോടു പറഞ്ഞ് എസ്. ഐ. അകത്തേക്കുപോയി.ഹാവൂ.. ന്ന് ഞാന് മനസ്സില് ആശ്വസിച്ചു. കുറച്ചു നേരം സൈക്കിള് ചവിട്ട്യാല്പോരേ..ഞാനങ്ങിനെ മനസ്സമാധാനത്തോടെ നില്ക്കവേ തോമാസ്സാര് ഒരു ബെഞ്ച് കൊണ്ടുവന്നിട്ടു."ഹൊ എന്തൊരു മര്യാദ സ്റ്റേഷന്" എന്നു ഞാന് മനസ്സിലോര്ത്തു."ആ ബഞ്ചില് പോയിരിക്കേടാ.." എന്ന തോമാസ്സാറിന്റെ കല്പന കേട്ട പാതി കേള്ക്കാത്തപാതി ഞാനതില് ആശ്വാസത്തോടെയിരുന്നു."ഭ....!!!!!, നിയ്യെന്താ പെണ്ണുകാണാന് വന്നിരിക്കാണോടാ...മോനേ.." തോമാസ്സാറിന്റെ അടുത്ത ചോദ്യത്തില് ഞാനറിയാതെ എഴുന്നേറ്റുപോയി..."നിന്നോടാരാ എണീല്ക്കാന് പറഞ്ഞേ.." എന്ന ചോദ്യം കേട്ടതും അടുത്തെ തെറിക്കുമുമ്പേ ഞാനിരുന്നു."അപ്രത്തേക്കും ഇപ്രത്തേക്കും കാലിട്ടിരിക്കെടാ.."പുലിമടയില് വീണ എലിക്കുഞ്ഞിനേപ്പോലെ ഞാനനുസരിച്ചു."ങാ.. ഇപ്പോള് നിനക്കുള്ള സൈക്കിളായി ഇനി ചവിട്ടി വീട്ടില് പൊയ്ക്കോടാ....ഭാ!! ചവിട്ടെടാ കള്ളക്കഴുവേറി..." എന്ന കല്പനകേട്ട് തരിച്ചിരിക്കാന്പോലും സമയംകിട്ടിയില്ല.കൊച്ചു പിള്ളേര് സൈക്കിള് ചവിട്ട് അഭിനയിക്കുന്നതുപോലെ ഞാനാ ബഞ്ചിലിരുന്ന് സൈക്കിള് ചവിട്ടാന് തുടങ്ങി."ഹേന്റിലിമ്മ്ന്ന് രണ്ടുകൈയ്യും വിട്ട് ചവിട്ടാന് നിന്റച്ഛന് സൈക്കിളുചവിട്ടുകാരനാണ്ടാ... പിടിക്കെടാ ഹേന്റ് ല്മ്മേ.." എന്ന ആക്രോശംകേട്ടപ്പോള് ചുളുവിലോരു തന്തക്കുവിളി കേട്ടതിന്റെ ക്ഷീണത്തില് ഇനിയൊരെണ്ണം കൂടി കേള്ക്കാനുള്ള ശേഷിയില്ലാത്തതിനാല് ഇല്ലാത്ത ഹേന്റിലിമ്മേം പിടിച്ച് ആഞ്ഞു ചവിട്ടാന് തുടങ്ങി...ഇടക്ക് ഒരോ സാറമ്മാര് അങ്ങോട്ടുമിങ്ങോട്ടും പോകുമ്പോള് "സൈഡൊതുക്കി പോടേയ്.., എന്താണ്ടാ ആള്ക്കാരു പോകുമ്പോ ബെല്ലടിച്ചാ.." എന്നുള്ള സാരോപദേശങ്ങള് ഫ്രീയായി കിട്ടുന്നുണ്ടായിരുന്നു..ഏകദേശം ഒരു അരമണിക്കൂറോളം ഞാനങ്ങിനെ സൈക്കിളും ചവിട്ടിയിരുന്നു... ഈ സമയങ്ങളില് എന്റെ മുഖത്തു വിരിഞ്ഞ നവരസങ്ങള് എസ്.ഐയും തോമാസ്സാറും, മറ്റുപോലീസുകാരുമൊക്കെ ആസ്വദിക്കുന്നതും, ഓരോ ചെറുപുഞ്ചിരികള് വിരിയുന്നതും ഞാന് കാണുന്നുണ്ടാര്ന്നു. ചവിട്ടി ചവിട്ടി എന്റെ കാലുകള് കഴച്ചു ഇനിയൊരു ഇഞ്ചു പോലും ചവിട്ടാന് വയ്യ എന്ന നിലയിലായി.. എന്തും വരട്ടേ എന്നു കരുതി ഒന്നു റെസ്റ്റെടുക്കാന് ഞാന് ചവിട്ടല് നിര്ത്തി..അല്പനേരം കഴിഞ്ഞ് തോമാസ്സാര് വന്നപ്പോള് ഞാന് വെറുതെയിരിക്കാണ് "എന്താണ്ടാ.. ചവിട്ടാത്തേ.." എന്ന ഒരല്പം മയം നിറഞ്ഞ ചോദ്യത്തിന് എന്തും വരട്ടേയെന്നുകരുതി ഞാന് പറഞ്ഞു... "ഞാനിപ്പോ കോപ്ലിപ്പാടം ഇറക്കത്താ... ഇറക്കത്താരാ സാറേ സൈക്കിള് ചവിട്ടാ.."അടിവീഴുമെന്നു പേടിയുണ്ടായിരുന്നതുകൊണ്ട് ഞാന് കണ്ണിറുക്കിയടച്ചു..പക്ഷേ സ്റ്റേഷനില് കൂട്ടച്ചിരിയാണു വീണത്.
8 Comments:
This comment has been removed by a blog administrator.
മച്ചുനാ... കലക്കി... പാരഗ്രാഫ് തിരിച്ചാല് ഒരു വായനാസുഖം കിട്ടും.. (എന്റെ ആദ്യ പോസ്റ്റും ഇതു പോലെ ബെല്ലും ബ്രേക്കും ഇല്ലാതെ ഒറ്റ സീക്വന്സില് ആയിരുന്നു)
വേറൊരു കൊടകര പുരാണം. ഒരുപാട് മിമിക്രികളില് കണ്ടതാണെങ്കിലും വായിക്കുമ്പൊള് ഒരു സുഖം. കുറച്ചും കൂടി മെംമ്പൊടി ചേര്ത്തെഴുതിയാല് നന്നായിരിക്കും. കുഴപ്പമില്ല, ആദ്യത്തേതല്ലേ ശരിയാകും.....
പുതിയ പോസ്റ്റില് കമന്റിടാന് പറ്റുന്നില്ലല്ലോ.
http://ashwameedham.blogspot.com/2006/07/blog-post_28.htmlഈ സെറ്റിങ്ങ്സ് ചെയ്തിരുന്നോ
This comment has been removed by a blog administrator.
heartly welcome
aanayum urumbum kalakki...............
ishtayittooooooooooooooooooooo
iniyum ithupole pratheekshikkunnu.poratte porette....
Post a Comment
<< Home